en Schwob wird 50

Hat jetzt doch der alte Seckel

50 Jahr scho auf´m Deckel.

Manometer, Schlagmesblechle

und Haarausfall auf seinem Dächle.

En Frauaheld, g´rad wie en Rocker

hat sich mutiert zum Stubahocker.

Donnerwetter, Sabberlott,

war der Kerle einstmals flott

und dazu en schneller Spritzer,

heut isch er blos en Sofasitzer.

Hat früher g´schafft er ohne Ruh,

am beschta gucksch ihm nemme zu.

Gelenkverdickung, Ischias;

heut schwätzt er nur no über das.

Wenn den mol siehsch im Klo als Brunser,

bet lieber glei a Vaterunser.

Beim Wand´ra ihm koi andrer gleicht,

jetzt nur no um da Friedhof schleicht.

Au wenn´s ihm manchmal fallet schwer,

sei neues Heim will kenna er.

Am meischta zeigt er no Elan,

wenn er sei Glotze schaltet an

und dann kann laufa jeder Papp,

weil ohnehin er nippelt ab.

So wurd aus einem tollen Macker

Nach fünfzig Jahr en alter Knacker.

Halt, halt, Verlaub, ich revidiere,

sonscht i die Gastfreundschaft verliere,

i will die Stimmung net vermiesa,

den Gastgeber dazu verdrießa.

Das Gegateil, des isch der Fall,

sei Kompetenz siehsch überall:

Dahoim, im G´schäft, im Freundeskreis,

isch flott dabei auf jeder Reis,

rast durch den Alltag, durch die Jahre,

der liegt so schnell net auf der Bahre.

Und wissa soll´s au jeder Gaffer:

Isch immer no a guter Lover.

En rechta Schwob, den kriegsch net klei,

was komma mag isch einerlei.

Wer g´schafft wie er a Halbjahrhundert,

der wird von allen viel bewundert,

dem wünschet mer a Menge Kraft,

damit er au die Hundert schafft

und dass sei Weib ihn mög ertraga

und höchschtens ihn a mol tut fraga:

Goht´s net a bissle mit Gemach,

i komm dir beinah nemme nach.

Elan und Sturm- und Tatendrang

gemischt mit Zeiten ohne Zwang

und schönen Dingen zugetan,

dann bisch en rechter Supermann.